29 тамызда Л. Н. Толстой атындағы Қостанай ОӘҒК-нда Қостанай облысы әкімдігі мәдениет басқармасы басшысының орынбасары Саят Дәулетұлы Жүсіповтың, Л. Н. Толстой атындағы Қостанай ОӘҒК басшысы Сания Серікқызы Безаубекованың, қазылар алқасының төрағасы, жазушы және педагог Александра Ильинична Суслованың, Ы. Алтынсарин атындағы Қостанай облыстық балалар мен жасөспірімдер кітапханасы кітапханашыларының, сондай-ақ қаланың жалпы білім беретін мектептері оқытушыларының қатысуымен IV облыстық «#ОқыЖәнеЖең» онлайн кітап оқу байқауының қазылар алқасы мен ұйымдастыру комитетінің кеңейтілген отырысы өтті.
Байқау төртінші рет өткізіліп отыр, ол Қостанай облысының тұрғындары арасында кітап оқу мәдениетін ілгерілетуді және көркем әдебиетті насихаттауды мақсат етеді.
Отырыс барысында байқаудың барлық үш кезеңінде оқуға ұсынылған кітаптар егжей-тегжейлі қаралды. Талқылау сындарлы және мүдделі жағдайда өтті, оның қорытындысы бойынша жалпы шешім қабылданды.