18 қыркүйекте Л. Н. Толстой атындағы Қостанай облыстық әмбебап ғылыми кітапханасында ішкі істер органдарының ардагері, отставкадағы полковник Анатолий Чернушканың «Огонь, мерцающий в сосуде» атты жеке көрмесінің ашылуы өтті.
Көрмеге түрлі техникамен – қарындаш, майлы бояу және пастельмен орындалған 40-тан астам жұмыс қойылған. Көрменің негізін пейзаждар, портреттер және натюрморттар құрайды. Олардың көпшілігі автордың жеке естеліктерімен, отбасылық тарихымен, туған жеріне және адамдарға деген сүйіспеншілігімен байланысты.
Анатолий Чернушканың жұмыстарын көркем бейне немесе көрініс қана емес, оларды эмоциялар мен бейнелер арқылы жүзеге асатын көрерменмен арадағы ашық әңгіме деуге болады.
Көрменің ашылуына кәсіби суретшілер, мәдениет қайраткерлері, автордың достары мен жақындары қатысты. Іс-шара жас музыкант Наталья Закора орындаған музыкалық бағдарламамен сүйемелденді.
Көрме келушілер үшін кітапхананың жұмыс уақытында ашық болады. Баршаңызды әуесқой суретшінің шығармашылығымен танысуға және кескіндеме арқылы оның ішкі әлемін сезінуге шақырамыз.