29 сәуірде Л. Н. Толстой атындағы Қостанай облыстық әмбебап ғылыми кітапханасында 1 мамыр – Қазақстан халқының бірлігі күніне арналған «Достық әуені» этношатыры өтті.
Іс-шараға «Қоғамдық келісім» КММ-нің этномәдени бірлестіктерінің өкілдері қатысты. Қонақтар қазақстанда тұратын түрлі халықтардың дәстүрлерімен, мәдениетімен және шығармашылығымен танысты. Кездесу аясында ұлттық әуендер шырқалды, бұл өзара түсіністік пен мәдени әртүрлілікке құрмет атмосферасын қалыптастырды.
Өткізілген іс-шара мәдениеттер диалогы үшін маңызды алаңға айналды, этносаралық келісім мен достықты нығайтуға ықпал етті, сондай-ақ жастарды отаншылдыққа тәрбиелеуге елеулі үлес қосты.