Құрметті оқырмандар!

1939 жылы Мәскеуде ауылшаруашылық өнімдерінің өсу қарқынының жарқын көрсеткіші бола білген Бүкілодақтық ауылшаруашылық көрмесі ашылды.

1940 жылы барлық республикалар бойынша еңбек ері адамдарына арналған Құрмет кітабының толықтырылған томдары басылып шығарылды. Қазақ Кеңес Социалистік Республикасы да тыс қалған жоқ. Қостанай облысынан 15 аудан қамтылды. Л. Н. Толстой ат. ОӘҒК сирек кітаптар қорында бірбен-бір данаcы сақталған – «Бүкілодақтық ауылшаруашылық көрмесінің Құрмет кітабы. Қазақ Кеңес Социалистік Республикасы». – М.: Полиграфкнига, 1940. – 150 [3] б.

Кітап қысқаша ақпаратпен біздің облысымыздың барлық өкілдері таныстырылғанымен де құнды.

2014 жылдың 16 қыркүйегі күні сағат 15.00 кітапхананың бірінші қабатының фойесінде Бүкілодақтық ауылшаруашылық көрмесінің 75 жылдығына арналған «Өткенді құрметте де, болашақты бағдарла» көрмесінің ашылуы болады. 

Қызығушылық танытқан барша тұрғындарды көрмені тамашалауға шақырамыз. Көрмеге келіңіздер, өздеріңізбен бірге достарыңыз бен таныстарыңызды да ала келіңіздер!