Құрметті оқырмандар!

Л.Н.Толстой ат. облыстық әмбебап ғылыми кітапхана 2014 жылдың 3 және 14 қарашасы аралығында Қостанай облысындағы кітапхана ісінің 120 жылдығын және кітапханамызға Л.Н.Толстой есімінің берілгеніне 65 жыл толуын атап өтетін болады. Онкүндік аясында «Л.Н.Толстой ат. Қостанай ОӘҒК КММ үздік таңбасы» ашық байқауы жарияланады.

         Байқаудың мақсаты – қоғамның барлық мүшелерімен жұмыс істейтін беделді мәдениет мекемесі ретіндегі кітапхананың жұмысын көрсететін  жаңа таңбаны дайындау. 

Байқаудың міндеті кітапханаға мүмкіндігінше оқырмандарды көптеп тарту, пайдаланушылар, қала тұрғындары мен қонақтары арасында кітап пен кітап оқуды насихаттау, кітапхана мен қоғам арасындағы ақпарат және мәдениет алмасуды дамыту болып табылады. 

Барлық тілек білдірушілерді байқауға қатысуға шақырамыз!