Толстой есімі көзінің тірісінде-ақ аңызға айналып үлгерді. Оның әдебиет саласындағы жаңалықтары өзгелер үшін өнер жолындағы сабақ, үлгі болды. Біздің кітапханамызға 1949 жылдан бастап оның атын алып жүру бақыты бұйырды. Осы оқиғаны ұлықтауға арналып қарашаның 03 мен 14 аралығында өткізілетін шаралар аясында Л.Толстой ат. ОӘҒК бірінші қабатының фойесінде «Толстой – бұл тұтас әлем...» атты кітап-зат көрмесі жұмыс істейтін болады.
Көрменің мақсаты – ұлы жазушының философ, педагог және қоғам қайраткері болғандығын жан-жақты көрсету.
Көрмеге кітаптар, мерзімді басылымдар, альбомдар, портреттер, фотосуреттер, күнделіктер, хаттар қойылған. Көрме облыстық тарихи-өлкетану мұражайынан алынған экспонаттармен толықтырылған.