ҰОС 70-жылдығына орай Л.Толстой ат. ОӘҒК «Мәңгілік ұмытылмас ұлы ерлік» тақырыбында ұрпақтар сабақтастығы кеші өтті. Кешке ҰОС және еңбек ардагерлері Қасымхан Алдабергенов, Қажи Маманов, ауған соғысы ардагері Ахамит Бөлендин, Қостанай қаласының әскери істері жөніндегі басқармасының бастығы Өркен Өтебасов және №5 кадет мектебінің алғашқы әскери дайындық пәнінің мұғалімі Жазылбек Қайырғали шақырылды. Қонақтар өздерінің өмір жолдары мен ерліктері жайлы толық мағлұмат берді. Мәдени шарада ҚМУ, ҚМПИ, Қостанай экономикалық колледжінің студенттері, № кадет мектебінің ұландары өнер көрсетті. Көрмеге 83 басылым қойылды, бейнефильм мен презентация ұсынылды.