Әдеби десант маусымы Арқалық қаласына сапармен аяқталды.

Қала тұрғындарын жазушылар қуантты: ақын, драматург, ҚР Жазушылар Одағының мүшесі Ақылбек Шаяхмет; публицист, «Қостанай таңы» облыстық газетінің бас редакторы Жанұзақ Аязбеков; ақын, «Қазақ радиосы» республикалық компаниясының тілшісі Нұрқанат Құлабаев пен жас ақын, «Қостанай таңы» газетінің журналисті Жандос Жүсіпбеков және де Облыстық Л.Толстой ат. кітапхана директорының орынбасары Сәния Безаубекова.

Сапар Қостанай облысының Ішкі саясат басқармасының қолдауымен өтті. Басқарманың бастығы Мақанов Жанділдә Қожахметұлы қатысушыларға «Оқитын өлке» жобасының жұмысы жайлы құлақ қағыс етті.

Авторлардың өлеңдерін жылы қабылдап, өз сөздерінде ақындар кітап оқуды қолдау мәселесін де қозғап, осындай кездесулердің олардың шығармашылық шабытын оятуға,жаңа дүниелерді шығаруға шабыт беретіндігін айтты. Қатысушылар қонақтарға жылы лебіздерін білдіріп, ақындарға шабыт, жаңа туындыларжарық көре берсін деген шынайы тілектерін, ниеттерін білдірді.

Шығармашылық кездесуден естелік ретінде  № 2 Арқалық қаласының ОӘҒК авторлардың қолтаңбалы кітаптарымен толықты.