Қостанайлық шығармашыл отбасының, суретші-мүсінші, ҚР Суретшілер одағының мүшесі Баян Баталованың Халықаралық отбасылар күніне арналған

«Көшпендінің жеті қазынасы» көрмесінің ашылуы.

         Л.Н.Толстой ат. ОӘҒК өнер туралы әдебиеттер бөлімінде 2015 жылдың 10 қыркүйегі күні қостанайлық суретшілер отбасының: мүсінші Баян Баталованың, қолданбалы өнер шебері, зергер Сабыржан Әбдікәрімовтың, артметалл шебері Марлен Шетлер мен оның қызы, сурет салғанды ұнататын бірінші сынып оқушысы Жасмин Шетлердің бірлескен көрмесінің ашылуы өтті. «Көшпендінің жеті қазынасы» көрмесін елімізде қыркүйектің екінші жексенбісі күні кеңінен аталып өтілетін Отбасы күні мерекесі қарсаңында ашылды.

           Көрмеге авторлардың бұрынғы жұмыстарымен қатар үстіміздегі жылы жасаған жұмыстары да қойылған, атап айтқанда:  металдан жасаған мүсіндер, гипстен ойылған бұйымдар, кескіндеме, батик, мельхиордан жасаған зергерлік заттар, сондай-ақ киіз басу әдісімен жасалған бұйымдар қосылған.  Көрмеге 50- ден  артық жұмыс қойылған.