14 күні  поэзия деген үлкен көштің керуеніне ілесіп келе жатқан жас, талантты ақындар – Жандос Жүсіпбеков пен Қасқырбай Қойшымановтың «Толқынды толқын қуады» атты ақындар диалогы өтті.  Қос тарландар А.Байтұрсынов атындағы ҚМУ «Журналистика» факультетінің түлектері, республикалық және облыстық байқаулардың жеңімпаздары, кітапхана әдеби кеңес орталығының «Ақ қауырсын» бірлестігінің мүшелері. Екі ақынымыз да қазіргі таңда облыстық Қостанай таңы газетінің тілшілері. Осы кеште ақындар өлеңдері оқылып, талдау жасалынды, оқырмандар тарапынан сұрақтар қойылып, ақындарымыздың шығармашылығына қызығушылық танытты.  Арнайы оқырмандарға «Өлеңмен өрілген өмір» атты кітап көрмесі қойылды. Көрмеде қазақ поэзиясының ұлы ақындары мен жас толқындардың өлеңдерін ашып көрсетеді. Сонымен қатар біздің кітапхана қорындағы әдеби журналдар ұсынылды. Қонаққа жергілікті танымал ақындарымыз келіп,  ЖОО студенттері мен «Ақ қауырсын» бірлестігінің мүшелері қатысты.