Тұңғыш Президент күні қарсаңында кітапхананың жиналыс залында жастардың «Атадан қалған асыл сөз» тақырыбымен ақсақалдармен кездесуі болды.

Шараға шақырылған Қостанай облыстық «Марал ишан» мешітінің имамы Бақытжан қажы, ҰҚК ардагері Ғалихан Мәулетов, соғыс және еңбек ардагері Бақытжан Жұмабаев ҚР тұңғыш Президентінің елге сіңірген еңбегін жастарға жеткізе білді, республиканың Тұңғыш Президент мерекесінің, осы күнгі елбасының Жолдауын орындау және жүзеге асырудың  әлеуметтік және экономикалық маңызы бар екендігін және мұның барлық қазақстандықтар үшін парыз екендігін атап өтті.

«Ақ қауырсын» клубының мүшесі, ҚМПИ 1 курс студенті Махаббат Жарбосын елбасына арнаған «Елбасына арнау» өлеңін оқыды.

«Президент – тұрақтылық пен гүлденудің кепілі» кітап көрмесіне қойылған материалдар жиналғандардың ерекше қызығушылығын тудырды.

Кездесу соңында ҚР тұңғыш Президентіне арналған «Назарбаев. Live» деректі фильмі көрсетілді.