Ақпан айының алғашқы аптасында «Қоғамдық лекция. Қостанай" жобасының кезекті кездесуі өтеді. 

Бұл жолғы лектор - Республикалық түрлі телеарна бағдарламаларының атқарушы продюсері және тележүргізуші Сандуғаш Картаева-Сүндетбаева. Бұған дейін Әл-Фараби атындағы Қазақ ұлттық университеті жастар ұйымдарының жұмысы жөніндегі бөлімінің маманы және ғаламтор жаңалықтарына арналған "Матрица" бағдарламасының жүргізушісі, "Балапан" телеарнасының "Ол кім, бұл не?" балаларға арналған танымдық бағдарламасның атқарушы продюсері болып қызмет атқарған. Сондай-ақ, "Хабар" агенттігінде "Жаңа күн" таңғы бағдарламасының жүргізушісі.

Бүгінгі кездесуде "Әлеуметтік желі дертп пе, әлде қажеттілік пе?" деген тақырыпта өтті. Онда инернетті дұрыс пайдалану жолдары айтылып, жаңа медианың қоғамға ықпалы сөз болды. 30 минутты лекция, қалған бөлімі сұрақ-жауап ретінде өтті. Әлеуметтік желінің қажеттілігімен қатар тиімді пайдалану жолдары сөз болған - бүгінгі кездесу сұрақтардың көптігімен есте қалды!  Студенттер әлеуметтік желіге қатысты сұрақтарына, лектор Сандуғаш Картаева толыққанды жауап берді.