2016 жылы Қазақстан көрнекті қазақ ағартушысы, педагог, мектептегі білім беру саласы бойынша қоғам қайраткері Ыбырай Алтынсаринның туғанына 175 жыл толуын атап өтеді. Оның жүзеге асырылған жобаларының қатарында алғашқы халық мектебін ашуын, қазақ тіліндегі хрестоматияны басып шығаруын және исламды пән ретінде ана тілінде оқытылуын енгізуін атауға болады. Ол оқу орындарын ұйымдастыру, кадрларды іріктеу, мектептерді жабдықтау және қажетті құралдармен қамтамасыз ету бойынша орасан зор жұмыстар атқарды. Ол педагогикалық салаға сіңірген еңбектерімен қатар өзінің қазақ халқымен бірге жасар шығармашылық туындыларын да дүниеге әкелді. 

Ыбырай Алтынсаринның педагогикаға, әдебиетке қосқан үлесі туралы және оның өмірбаянына қатысты толық ақпаратты ағартушының мерейтойына орайластырылып Әмбебап оқу залы безендірген «Ыбырай Алтынсарин мұрасы – мәңгілікке қазына» атты кітап көрмесінен ала аласыздар. 

Жыл бойы жұмыс істейтін көрме екі бөлімнен тұрады және оған атауы 50 асатын кітап түрлері мен мерзімді басылымдар қойылған.