Қарашаның басында «Америка бұрышы» АРО ҚР АҚШ елшілігінен келген кісілер қонақ болып кетті.
Сапар нәтижесінде 7-9 сынып оқушыларын ағылшын тіліне оқыту бойынша шағын стипендиялы «Accsess Program» (Доступ) дүниежүзілік бағдарламасы ашылды. Қостанайда оған материалдық жағдайы төмен отбасыларында тәрбиеленіп жатқан және күнделігінде білімін дәлелдейтін жақсы бағалары бар жиырма оқушы кіре алатын болды.
Жаңа бағдарлама қатысушыларға ағылшын тілін жетілдіруге және болашақта жемісті еңбек етулеріне мүмкіндік беретін болады. Балалар мәдени және білім беру салалары бойынша өткізілетін халықаралық бағдарламаларға қатыса алады және бағдарлама соңында оларға ҚР АҚШ елшілігінің сертификаты табыс етіледі.
Қонақтар клубтар мен ағылшын тілін оқыту курстарының жұмыстарына қатысты, білім беру бағдарламаларының түлектерімен, ЖОО студенттерімен кездесіп, «АҚШ жастар саясаты» тақырыбына пікір алмасты, Америка бұрышының жұмыстарына жан-жақты сараптама жасады.