Қала күнін мерекелеу қарсаңында Л.Н.Толстой атындағы ОӘҒК қызметкерлері Қостанай тұрғындары үшін блиц-сұхбат жүргізді. Сұрақтар тарих, география және әдеби мұраға, өткен мен қазіргі жағдайдың маңыздылығына қатысты болды.

Заманауи Қостанай  -   қарқынды дамып және өсіп келе жатқан облыс орталығы. Дегенмен бұрын мұндай болмаған. Сондықтанда біздің қала қызықты да ғажап тарихы бар қала болғандықтан оны қалатұрғындары білуі тиіс. 

 Блиц-сұхбатқа 30 респонденттер қатысты. Блиц-сұхбат нәтижесі көрсеткендей біздің тұрғындар өздерінің туған өлкелерін өте жақсы біледі, мақтан тұтады.

Респонденттердің 100 %  сүйікті қаламызға неше жыл толатынын біледі. Ал көше атаулары туралы сұраққа жауап берерде көптеген респонденттер, әсіресе, егде тартқан кісілер бұрынғы атауы мен қазіргі атауын шатастырды.

«Бос уақытыңызды қайда өткізесіз» деген сұраққа респонденттердің көбі жағалауда қыдырғанды ұнататындарын айтты.