Қостанай облысы әкімдігінің тілдерді дамыту басқармасының ұйымдастыруымен 2 қыркүйек күні Қостанай қаласында орналасқан Достық үйінде «Абай оқулары» және «Оралхан Бөкей» оқулары өтті.

ЛН.Толстой атындағы облыстық әмбебап ғылыми кітапхана аталған шараларға арнап кітап көрмелерін безендірді. Шара өткен күннің бірінші жартысында келушілердің назарына ұлы ақынның шығармашылық әлемін жалпақ жұртқа танытатын Абай Құнанбайұлының өмір жолына қатысты деректер ұсынылды.

Күннің екінші бөлігінде көрмеге Алтайдың кербұғысы – Оралхан Бөкейдің шығармашылық жолы жайында баяндаған кітаптар мен журналдарда жарияланған материалдар қойылды. Көрме О.Бөкейдің шығармаларымен, ол жайындағы естеліктермен танысуға мүмкіндік берді.