Л.Толстой ат. Қостанай облыстық
әмбебап ғылыми кітапханасы
БАС
Рудныйдағы «Әдеби десант»
06.10.2016

Бұл жолғы әдеби десант жобасы аясында Рудный қ. филология ғылымдарының кандидаты, ҚР Жазушылар одағының мүшесі, ақын Серікбай Оспанов келді. 

Кездесу орны ретінде Ы.Алтынсарин ат. педагогикалық колледж таңдап алынды және бұл жерді таңдауға Серікбай Оспановтың соңғы жылдары Ыбырай Алтынсаринның өмірі мен шығармашылығын зерттеу бойынша көптеген ғылыми-зерттеу жұмыстарын жүргізуі себепші болды.

Авторды таныстыру барысында Балалар кітапханасының директоры Г.Ибжар Серікбай ағайдың қазақстандық атақты әншілер орындап жүрген 200 астам әнге сөз жазған автор ғана емес, сондай-ақ қолданбалы өнердің хас шебері екендігін, ағаштан түйін түйген (домбыра, асүй бұйымдары, кәдесыйлар, қобдишалар және т.б.) өнер иесі екендігін де атап өтті.

Қонақтың әңгімесін зейін қоя тыңдаған оқушылар қазақтың алғашқы ағартушысының өмірі жайында көптеген қызықты да тың деректерге қанық болды. С. Оспанов студенттердің сұрақтарына жауап беріп, кітапханаға өзінің Ы.Алтынсаринге арналған жаңа еңбегі – «Ұлағатты ұлы ұстаз» кітабын тарту етті.

С.Оспановтың шығармашылығын құрметтеушілердің орындауында ақынның өлеңдері оқылып, әндері орындалды. Автордың өзі де домбырамен сүйемелдей отырып өзінің бірнеше шығармасын орындап берді. 


ӨзектіЖаңалықтарМемлекеттік рәміздерТолық мәтінді деректер базасыҚұжаттарды электронды жеткізуКітапты ұзартуБасылымдарЖаңа кітаптарҚорларКәсіпқойларғаВиртуалды көрмелер Жобалар, акцияларВиртуалды ақпараттық қызметЖедел сауалнамаСайт картасы