17 қараша күні академик Манаш Қабашұлы Қозыбаевтың 85 жыл толуына орай қонақжайда ашық дәріс өтті. Дәрісті ҚМПИ оқытушысы, тарих ғылымдарының доценті, тарихшы Өтеген Ихсанұлы Исенов жүргізді. Дәріс барысында Өтеген Ихсанұлы тарихшылардың ноқта ағасы, жалынды публицист, жан кешті қайраткер, кісілігі мен кішіпейілдігімен көпке үлгі болған, ақынжанды Манаш Қабашұлы жайлы естеліктері мен еңбектеріне тоқталды. Сонымен бірге қазақтың Манашы ғылымда да, өмірде де өзіндік орнын қалдырғанын, тарихты әдебиетпен өрнектеп, тілге орамды, бояуын қанық қылып жеткізгенін де тілге тиек етті. Дәріс соңында студенттер сұрақтар қойып, «Тарих ғылымының тарланы» атты кітап көрмесімен танысты.