2017 жылдың қаңтарынан бастап Л.Толстой ат. ОӘҒК әмбебап оқу залында бірнеше кітап көрмесі жұмыс істейді.
«Әдеби-көркем журналдарда жарияланған қазақстандық жазушылар». Көрмеге қазақ және орыс тілдеріндегі журналдар, қазақстандық жазушылардың мақалалары қойылған.
Көрменің мақсаты оқырмандарды жаңадан түскен әдеби-көркем журналдар туралы, журналдарда жарияланған қазақстандық авторлардың шығармалары туралы хабардар ету болып табылады.
«Өмірдің мәнін өрнектеген қаламгер» – жазушы, журналист, М.Дулатов ат. сыйлықтың лауреаты, Қазақстан Журналистер одағының мүшесі Қайсар Әлімнің 70 жасқа толуына арналады. Көрмеге оның шығармалары мен ол жайындағы әдебиеттер қойылған.