Ақпан айының басында халықаралық кітаптар бөлімі «Бірлік» әзірбайжан этномәдени бірлестігінің Әзірбайжан жастары күніне арналған «Әзірбайжан әлемі» шарасын өткізді.
Шара барысында әзірбайжан халқының ұлттық мәдениеті таныстырылды: қонақтар ұлттық музыка аспабының үнін естіп, мың бұралған бишілердің өнерін тамашалады, әзірбайжандардың әуезді әнінен ләззат алды.
Таныстырылымға келген қонақтарды әзірбайжан этносының әдебиеті, тарихы мен музыкасы жайындағы кітап-зат көрмесі қарсы алды.
Шараға арнайы дайындалған «Қостанай облысының этномәдени бірлестіктері: Әзірбайжандықтар» ақпараттық-библиографиялық көрсеткіші «Бірлік» әзірбайжан этномәдени бірлестігінің жастар қанатының жетекшісі Зульфия Набиеваға салтанатты түрде табыс етілді.