3-наурыз күні «Қостанай таңы»
облыстық газетінің Л.Толстой атындағы Қостанай ОӘҒК-сымен бірлескен
«Журналистпен сұхбат» жобасы бастау алды. Аталған кездесуде «Қостанай таңы»
басылымының белді қызметкерлерінің бірі Гүлназым Бадаққызының журналистика
саласындағы атқарған жемісті еңбек жолы сөз етілді. Сондай-ақ Г.Сағитова жеке
өмірінен үлгі боларлық толғанысқа толы әңгімелер айтып, қоғамдық тақырыптар
төңірегіндегі пікірлерімен бөлісті. Жиынға қатысқан студенттердің де
белсенділігі көп болды. Сұрақтарға риясыз жауап қатқан тілшімен өткен жүздесу
қызық та, әсерлі өтті.