12 сәуір күні кітапхананың Әмбебап оқу залына ақын Белла Ахмадулинаның шығармашылығын құрметтеушілер «Тіршіліктің барлығына тәубе етем» атты еске алу кешіне жиналды. 2017 жылдың 10 сәуірінде ол 80 жасқа толған болар еді.

Кездесудің қонақтары ретінде қоғам қайраткері, публицист, ақын Аркадий Семенович Денисов және 2008 жылы Киевте өткен орыс тілділердің «Каштановый дом» халықаралық фестивалінде оның баяндамасын тыңдаған кітапхана оқырманы Светлана Петровна Борзенкова қатысты. Олар Белла Ахмадулина жайындағы әсерлері мен пікірлерін ортаға салды.Кеш бойы өлеңдер оқылып, бейнероликтер көрсетілді. Ақынның өлеңдеріне жазылған әндер орындалды. Көрсетілімдер ұсынылды және кітап көрмесі безендірілді.