Облыстық «Қостанай таңы» газетінің 95 жылдық мерейтойына орай «Журналистпен сұхбат» жобасы аясында «Қостанай таңы» газетінің тілшісі, халық әндері мен халық композиторларының әндерін, жырау, би-шешендердің сөз-жауһарларын насихаттаушы, жыршы-термеші Қыдырбек Қиысқанұлымен кездесу болып өтті. Қыдырбек Қиысқанұлы  кездесу барысында журналистік жолымен таныстыра отырып, журналистика саласының қиындығы мен қызығы жайлы ой қозғап, журналистика саласына тыңнан түрен салып келе жатқан жастар мен газет жаңалықтарымен де бөлісе кетті. Іс-шараға келген оқырмандар мен студенттердің ой елегінде жүрген, сұрақтарына, Қыдырбек Қиысқанұлы толыққанды жауап беріп, қазақ халқының дәстүрлі әндерін орындап, кездесу соңында студенттерге ағалық кеңесін білдіріп, кітапхана ұжымына алғысын білдірді.