16 сәуір күнгі «Жастар» бірлестігі мен «Ақ қауырсын» клубының кезекті жиыны Қазақстан Республикасының Президенті Нұрсұлтан Назарбаевтың «Егемен Қазақстан» газетінде жарияланған мақаласына арналды. Яғни, жастар  «Болашаққа бағдар: рухани жаңғыру» тақырыбында жарық көрген мақаланың мән-маңызы жайлы ойларымен бөлісіп, пікір айтты. Ұлттық код, туған жер туралы бөлімдерге ерекше тоқталып кеткен олар – мұның жай ғана мақала емес, ел болашағы үшін қажет бағдарламалық құжат екенін баса айтты. Бірлестік мүшелері аталмыш мақала туралы «ең бастысы отансүйгіштік пен рухани тұтастықты қатар қойып, егемен елдің ертеңі үшін аянбау керек» деген тұжырымға келгендей болды.