2017 жылдың 4 мамыры күні Әмбебап оқу залының қызметкерлері ҚР Ұлттық гвардиясының 6697 әскери бөлімінің жауынгерлері үшін Қазақстан Республикасы Қарулы күштерінің құрылғанына 25 жыл толуына арналған «Отаныма адал болуға ант етемін» атты мерекелік бағдарлама өткізді. 

Отанымыздың жас қорғаушыларымен болған бұл кездесуге ҚР ІІМ Ш.Қабылбаев ат. Қостанай академиясының тәрбие жұмыстары жөніндегі бөлім басшысы, полиция полковнигі Құрманғалиева Балым Хожедиясқызы, ҚР еңбек сіңірген мәдениет қызметкері, композитор, әнші Қалибек Деріпсалдин, сондай-ақ жас дарын иелері келді. 

Балым Хожедиясқызы Отанымыздың жас қорғаушыларын мерекелерімен құттықтап, оларға жұрттың барлығы ұнататын әнді орындап берді.  Жас жауынгерлер сонымен қатар Қалибек Деріпсалдин орындаған күйге де тәнті болып, ризашылықпен қол соқты. Сонымен қатар жауынгерлер өздерінің тәлімгерлері, материалдық-техникалық қамтамасыз ету ротасы командирінің орынбасары Нұрсұлтан Мелдебекұлы Садықовтың да құттықтауын тыңдады. 

Шараға арналып 50-ден астам басылым қойылған кітап көрмесі ұйымдастырылды.