Кез келген жаңадан пайда болған мемлекет ең алдымен өзінің мемлекеттік белгілерін – жалауын, елтаңбасын және әнұранын белгілеп алады. Бұл олардың елдің саяси тәуелсіздігінің белгілері болып табылуымен байланысты. 30 мамыр күні қонақжайда Қазақстан Республикасының мемлекеттік рәміздерінің 25 жылдығына арналған «Мемлекет рәміздері – елдіктің ерен белгісі» атты кітап көрмесінің тұсаукесері болып өтті. Шара шеңберінде Гүлжібек Бекмұхамедованың «Соединяя землю с небесами» деректі фильмі көрсетілді. Қостанайлық танымал тұлға фильмнің жасалу тарихы туралы айтып беріп, студенттерге мақсаттарына жете берулеріне тілектестік білдірді. Өз кезегінде Қостанай әлеуметтік-техникалық колледжінің студенттері журналисті қызыға тыңдап фильм төңірегінде студенттер авторға сұрақтар қойып, толыққанды жауап алды, және кітап көрмесінде қойылған кітаптар мен басылым беттерінде жарияланған материалдармен танысты.