Өнер туралы әдебиеттер бөлімінде «Сурет пен символға деген құштарлық» атты безендірілмелі кітап көрмесі ұйымдастырылды.   Экспозиция белгілі орыс суретшісі И.Крамскойдың шығармашылығына  арналған. Иван Николаевич Крамской (1837-1887) – ХІХ ғасырдың екінші жартысындағы атақты суретші, орыс сурет мәдениеті тарихындағы басты орындардың бірін иеленеді. Ол өзіндік дүниетанымымен, көзқарасының кеңдігімен, сурет салу кезінде кез келген жаңалыққа көңіл бөлуімен және кез келген қасаңдықты ұнатпайтындығымен ерекшеленеді.

Көрмеге атақты суретшінің өмірі мен шығармашылығынан жан-жақты мәлімет беретін 15 кітап қойылған. Басылымдарда шебердің суреттері басылған.

Көрме 2017 жылдың 16 маусымынан 16 шілдесіне дейін жұмыс істейді.