Алматы қаласынан келген «Love to Code» ЖШС компаниясы «Америка бұрышы» АРО аясында АҚШ Елшілігінің қолдауымен 3 шілде мен 8 шілде аралығында 8 – 18 жас аралығындағы оқушылар үшін бағдарламалау бойынша Жазғы лагерін өткізді.

Бағдарламалау оқуын оқимын дегендер түрлі жас топтарына бөлінді: төменгі топ (8 жастан 12 жасқа дейін) және жоғарғы топ (13 жастан 18 жасқа дейін).

Төменгі топ Scratch бағдарламасымен танысты, соның арқасында балалар компьютерлік ойындар құрастыруды үйренді. Жоғарғы топ болса Python бағдарламасы мен веб-сайттар құру үрдісімен танысты.

Оқушылар жекелеп оқыту форматында дайындалды – бұл формат арқылы оқушылар өзінің зияткерлік қабілеттілігі мен жұмыс қарқынының арқасында материалды мүмкіндігінше толық игеруге мүмкіндік алды.

Оқушылар сессия соңында оң пікір білдіре отырып, бағдарламалаудан алған білімдерін болашақта оқу мен жұмыс барысында қолданатын жоспарларымен бөлісті.