Сирек кітаптар қоры «Знание» қоғамының құрылғанына 70 жыл толуына орай «Өмір – бұл білімге айналған ғылым» атты кітап көрмесіне шақырады.

«Знание» қоғамының тарихы 1947 жылдың 1 мамырынан бастау алады – КСРО орталық газеттерінде «Кеңес Одағының ғылым, әдебиет және өнер, ғылыми, қоғамдық және де басқа да ұйымдары мен мекемелерінің барлығына Үндеу» жарияланды, оған еліміздің көрнекті ғалымдары, қоғам қайраткерлері мен өнер қызметкерлері қол қойды. Авторлар Кеңес Одағының зиялы өкілдерін саяси және ғылыми білімді тарату үшін Бүкілодақтық қоғам құруға шақырды. 1963 жылы саяси және ғылыми білімді тарату үшін Бүкілодақтық қоғам «Знание» Бүкілодақтық қоғамы болып өзгертілді.

Көрмеге 1951 ˗ 1985 жж ғылыми-көпшілік басылымдар қойылған, олар «Новое в жизни, науке, технике» жалпы атауымен білімнің түрлі салалары бойынша мерзімді басылымдар сериялары, «Будущее науки» жылнамалары, «Народный университет» кітаптар сериясы,  «Наука и религия», «Знание ˗ сила» танымал мерзімді басылымдары. Көрме 5 қазанға дейін жұмыс істейді.