23 тамыз күні Л.Н. Толстой ат. ОӘҒК қонақжайында «Қостанай қаласының құрметті азаматы» атағы бекітілгеніне 50 жыл толуына орай «Қостанай қаласының құрметті азаматы» атағын иеленген ақын, Жазушылар және Журналистер одағының мүшесі, Жолбарыс қажы Баязид пен көп жылдар бойы ұстаздық еңбек етіп, тәжірибелі ісімен қала дамуына көп үлес қосқан Беген Көпешұлымен кездесу өтті. Іс-шараға келген қонақтар Қостанай қаласының өткені мен бүгіні жайлы келелі әңгіме өрбітті. Сондай-ақ, аталмыш атақтың иесі болу кез келген адам үшін жауапкершілік артатыны айтылды. Әсіресе, «Жастар» бірлестігінің студенттері оқыған өлең жолдары кездесудің ажарын аша түсті. Көрермендер арасынан сөз алған КИНЭУ-дің қоғаммен байланыс жөніндегі ректордың көмекшісі Алма Мырзахметқызы Койшынова аталмыш оқу орнының ректоры, «Қостанай қаласының құрметті азаматы» Есмұратов Сәбит Борисұлының атынан кітапхана ұжымына алғысын жеткізіп, республикалық ақын-жазушылардың шығармалары жинақталған «Алтын тұғыр» кітабын тарту етті.