21 қыркүйек күні облыстық кітапхананың әдеби-ақпараттық бөлімі ақын, публицист, қоғам қайраткері А.Байтұрсынұлының туғанына 145 жыл толуына арналған «Ұлтымыздың ұстазы – Ахмет Байтұрсынов» атты дөңгелек үстел ұйымдастырды.
Шараға Жазушылар одағының мүшесі, ақын Ақылбек Шаяхмет, Облыстық ардагерлер кеңесінің төрағасы Кенжебек Укин,телеарна редакторы Қабылахат Сейдахмет,филология ғылымдарының докторы, доцент Алмасбек Әбсадықов, Қостанай гуманитарлық колледжінің қазақ тілі мен әдебиет пәнінің оқытушысы Гүлден Жұмағалиқызы қатысты.
Дөңгелек үстелге қатысушылар есімі ұлт мәдениетінің игілігіне айналған Ахмет Байтұрсынұлы жайында әңгімелеп қана қоймай, латын әліппесіне көшу мәселесін де сөз етті.
Шара барысында А.Байтұрсыновтың өлеңдеріне жазылған әндер орындалды.