16 ақпанда Л. Толстой ат. ОӘҒК әмбебап оқу залында Н. Ә. Назарбаевтың «Тәуелсіздік дәуірі» кітабының тұсаукесері өткізілді.

Тарихи публицистика жанрында жазылған кітапта елдің жаңа тарихы мен болашағына қатысты автордың көзқарасы берілген. 

Кітаптың тұсаукесеріне «Қостанай облысы әкімдігінің мәдениет басқармасы» ММ басшысы Е. Б. Қалмақов, А. Байтұрсынов ат. ҚМУ Отан тарихы кафедрасының аға оқытушысы, тарих ғылымдарының кандидаты С. С. Исмаилов, облыстық бейүкіметтік ұйымдардың ресурстық орталығының жетекшісі Д. К. Өтебаева, «Жас Отан» жастар қанатының төрағасы Е. С. Төлетаев, «Қоғамдық келісім» КММ ақпараттық-түсіндіру тобының мүшесі Р. Ж. Мырзағалиев секілді қаламыздың белгілі адамдары қатысты.

Шақырылған барлық қонақтар Қазақстан Президентінің жаңа кітабы қазақстандық қоғамның тарихи жадын одан ары жақсартуға көмегін тигізетін,  біздің әрқайсымыздың өзімізше қорытынды жасай білуімізге үйрететін, тарихымызға деген құрметті тереңдете және елімізге деген мақтанышты арттыра түсетін, ортақ болашақ үшін өзіміздің жасампаз үлесімізді қосуға ынталандыратын болады деген пікір білдірді.