Л. Н.Толстой ат. ОӘҒК әдеби-ақпараттық бөлімі ел тарихының түрлі кезеңінде ерекше сұранысқа ие болған және қандай да бір дәуірдің ерекшелігін көрсеткен кітаптар қойылған «Бестселлер» атты керемет көрме дайындады. Олардың ішінде 1930-50 жж. қолдан түспеген «Как закалялась сталь» Николай Островский мен «Абай жолы» Мұхтар Әуезов, 1960-80 жж. «Понедельник начинается в субботу» Аркадий және Борис Стругацкийлер, «Земля, поклонись человеку!» Олжас Сүлейменов, 1990-2010 жж.«Чапаев и Пустота» Виктор Пелевин мен «Золото гоблинов» Бахыт Кенжеевтар бар. Әр бөлімде кітаптардан тыс авторлардың дәйексөздері мен портреттері қойылған. Көрме ұрпақтар арасындағы байланысты нығайтуға, білім аясын кеңейтуге, атақты авторлар мен олардың шығармаларына жұрттың назарын аударуға көмектеседі.