Абонементтер бөлімінде жыл сайын 21 наурызда аталып өтілетін Дүниежүзілік поэзия күніне арналған кітап көрмесі безендірілді, көрме 14 және 30 наурыз аралығында жұмыс істейтін болады.
Поэзия – адамзаттың керемет жетістіктерінің бірі. Оқырмандар назарына А. Құнанбаев, А. Пушкин, В. Гёте, М. Лермонтов секілді әлем әдебиеті классиктерінің және тағы басқалардың өлмес өлеңдері ұсынылған. Біздің заманымыздың поэзиясын ұнатушылар кітап сөрелерінен Ә. Досовтың, М. Шахановтың, Р. Рилькенің, Л. Рубальскаяның, В. Цойдың кітаптарын таба алады. Көрме тек жасы келген оқырмандарға ғана емес, сондай-ақ балаларға да арналған. Балалар авторлары Ы. Алтынсаринның, Е. Елубаевтың, А. Бартоның, С. Маршактың, К. Чуковскийдің көркем безендірілген кітаптары кітапхананың кішкентай келушілерінің назарын аударары сөзсіз.
Барлық жастағы оқырмандарды өлең деген сиқырлы әлемді аралап шығуға шақырамыз.