Л. Н. Толстой ат. ОӘҒК сахнасында ҚР Франция елшілігінің қолдауымен Қостанай француз мәдени орталығы ұйымдастырған «Француз тілінде ән сал да, Францияға жолдама ұтып ал!» байқауының жартылай финалы өтті.
Француз тіліндегі әндер байқауы француз тілінде сөйлейтін елдердің бай мәдениетімен тағы бір рет жүздесуге мүмкіндік берді.
Ән байқауына қатысқандар француз эстрадасының баршаға белгілі, ең ырғақты әндерін ұсынды, музыкалық композициялар түрлі стильдерде орындалды. Кез келген тілек білдірушіге француз музыкасынан ләззат алуға мүмкіндік берілді.
Ән байқауының қонақтары мен қатысушыларына арнап әмбебап оқу залының қызметкерлері «Францияның әдемі әлемі» кітап көрмесін дайындады.