«Л. Н. Толстой атындағы Қостанай облыстық әмбебап ғылыми кітапханасы» КММ өлкетану әдебиеттері бөлімі 1916 жылғы ұлт-азаттық көтерілістің жетекшісі, халық батыры Амангелді Имановтың туғанына145 жыл толуына арналған дербес әдебиет көрсеткішін дайындады.
Халық арасында ол «батыр», «халық қамқоршысы», «Торғайдың сұңқары» деген атаққа ие болды. Амангелді өмірінің соңына дейін халқына адал қызмет етті, жауымен бетпе-бет келгенде қорқыныш дегенді білмеді, батыл да шұғыл шешім қабылдай алатын шебер ұйымдастырушы болды.
Амангелдінің өмірі мен бостандық жолындағы күресі көптеген әдебиет пен өнер шығармалары үшін тақырып болды.
Көрсеткіште кітаби дереккөздер мен мерзімді басылымдарда жарияланған мақалалар көрініс тапқан. Қазақ және орыс тілдерінде берілген материал Л. Н. Толстой ат. ОӘҒК кітап қорының негізінде құрастырылған.