11 сәуірде өлкетану әдебиеттері бөлімі мемлекет басшысының «Рухани жаңғыру» бағдарламалық мақаласы аясында халық батыры, 1916 жылғы ұлт-азаттық көтерілістің көсемі Амангелді Имановтың туғанына 145 жыл толуына арналған «Батырдың биік тұлғасы» тарихи кешін өткізді. 

Батырдың ұрпақтары Бақытжан Жүсіпов, Таймас Сұлтанов және Әбдіқадыр Әбілтаев әкелері айтқан әңгіменің негізінде Амангелді Иманов туралы естеліктерімен бөлісті. Сондай-ақ шараға 1916 жылғы ұлт-азаттық көтеріліске қатысқан Малшыұлы Қайранбайдың ұлы Малшы Жақсылық қатысты. А.Байтұрсынов ат. ҚМУ профессоры Қалқаман Жақып және 24 телеарнасының тілшісі Абылай Мауданов жүргізілген зерттеулер мен Амангелді ауданына жасалған экспедиция туралы әңгімелеп берді. ҚМПИ тарих магистрі Тастекова Гүлдана «Амангелді Үдербайұлының тарихи тұлғасына қатысты жаңаша көзқарас» тақырыбына баяндама жасады.

 Шара барысында көрсетілім ұсынылып, кітап көрмесі ұйымдастырылды.