05.12. Қостанай облысына іссапармен келген ҚР Мәжілісінің депутаты, генерал-лейтенант, «Ұлан» республикалық гвардиясының бас қолбасшысы Абай Тасболатов кітапханада болды. Директор Г.Ғ.Қазина қонаққа кітапхананы көрсетіп, оның қазіргі кездегі мүмкіндіктері мен тарихы туралы айтып берді.  

Кездесу барысында ол қазіргі кезде өзекті мәселеге айналып отырған біраз сауалдың  басын шалып, өзінің қай қалаға барса да міндетті түрде білім ордасы болып табылатын кітапханаға бас сұғатындығын атап өтті. Қонақ кітапхана жұмысына жоғары баға берді. Кездесу соңында депутат кітапхана қорына түсіп үлгірген «Есімдері ел есінде», «Жоғарғы Бас Қолбасшысы – әскери қауіпсіздік кепілі» кітаптарына қолтаңбасын қалдырды.