Құрметті оқырмандар! Барлығыңызды 6 сәуір мен 6 маусым аралығында бірінші қабаттың фойесінде жұмыс істейтін көрмені тамашалауға шақырамыз.
Соғыс жайында талай дүние жазылды және бұл тақырып ескі жараны қозғай отырып, жүрегіңді жылата отырып адамдардың жадына қайта орала бермек. Жазушы ескі жараны қозғамай өте алмайды, себебі есте сақталған оқиғалар мен тарих біртұтас дүниеге айналып кетті. Осыған орай соғыс тақырыбына қалам тартқан ақындар мен жазушылардың еңбектері халықтың ерлігі секілді баға жетпейтін дүние болып табылады.
Құрметті оқырмандар, сіздерге тарихқа бір табан жақындай түсуге, сол бір қырғынды көздерімен көрген, шайлығуды білмей шайқастың ортасында жүрген, соғысты кітапқа қажетті материал деп қарамай, халық пен өзінің тағдыры деп түсінген адамдармен кездесудің мүмкіндігі туып отыр. Біз сіздерге арнап сонау 1941 жылдан бастап қазіргі кезге дейінгі аралықта жарық көрген қостанайлық ақындардың және жазушылардың шығармаларын жинадық.
Аталған кітаптардың барлығы олардың әрқайсысында авторларының қолтаңбалары болғандықтан біздің мұражайымыздың коллекциясынан орын алған.