Өлкетану әдебиеттері бөлімінің әдеби-ақпараттық секторында көрнекті қазақ жазушысы, Қазақ КСР Мемлекеттік сыйлығының лауреаты Ілияс Есенберлиннің туғанына 105 жыл толуына орай «Халық жүрегіндегі қаламгер» тақырыбында безендірілмелі кітап көрмесі қойылды.
І. Есенберлиннің шығармашылығы тарихи жазба деректерге, шежіре мағлұматтарға, аңыз әңгімелерге негізделген, қаламгер қазақ халқының тарихының аса маңызды тұстарын ашып, көптеген тарихи қайраткерлердің көркем тұлғасын жасайды.
Көрмеде қаламгердің көптеген тарихи трилогиялары, романдары, дастандары, аудармалары қойылған және өмірі мен қызметі жайлы тың материалдар, ол туралы мерзімді басылым беттерінде жарияланған мақалалар да ұсынылған.
Баршаларыңызды кітап көрмесін тамашалауға шақырамыз!