Өнер туралы әдебиеттер бөлімі Ұлы Жеңістің 75 жылдығында қаланың оқу орындарының студенттері мен қала тұрғындарына Ұлы Отан соғысы жайындағы фильмдерді көруді ұсынады.
4 ақпанда М. Горький ат. мектеп-гимназия оқушылары үшін «Сын полка» көркем фильмінің көрсетілуі болды. Фильмді режиссер Василий Пронин В. Катаевтың осы аттас повесі бойынша түсірді.
Фильм ата-анасы соғыс кезінде қаза тапқан, ендігі жалғыз мақсаты фашистерден кек алу болған Ваня Солнцев туралы баяндайды. Ол барлаушы артиллерияшыларды тауып алады, осы күннен бастап баланың жаңа өмірі басталады: ол жауынгерге – артиллерияшылар тобының құрамында жаумен соғысып жүрген полк баласына айналады.
Балалардың жүзіне және залдағы тыныштыққа қарап фильм балаларға өте ұнады деуге болады, себебі залда отырған балалардың көпшілігі өздерін «полк баласы» секілді батыл және ер жүрек сезінгендері сөзсіз.