Абонементтер бөлімінде жазушы, журналист, филология ғылымдарының кандидаты, Қазақстанның еңбек сіңірген өнер қайраткері Сапар Байжановтың 90 жылдығына арналған кітап көрмесі жұмыс істеп тұр. Сапар Байжанов сондай-ақ Зейін Шашкиннің шығармашылығын терең зерттеген әдебиет сыншысы ретінде де белгілі.

Көрмеге жазушының повестері, әңгімелері, сондай-ақ монографиялары мен өмірбаяндық эсселері енген таңдамалы шығармалар жинағының үш томдығы қойылған. «Қазақстан» және «Қазақ әдебиеті» энциклопедияларында Сапар Байжановтың өмірбаяны берілген және шығармашылығына шолу жасалған. Көрмеге келушілер телепублицист Оразалы Сұлтанның «Сапар» деректі фильмінің сценарийімен таныса алады. Көрмені мерзімді басылымдардан алынған тақырыптық жарияланымдар толықтыра түседі.