25 маусым күні орталық сквердің жазғы алаңында «Жазға тән түстер» тақырыбымен қолөнер бойынша шеберлік сыныбы өткізілді. Шараға келген шеберлер – кітапхананың тұрақты оқырмандары өздерінің өнерлерін көрсетіп, биылғы жаздың негізгі сән үлгілері жайында айтып берді. Олар жиналғандарды әсем безендірулер жасаудың, көз тартарлық зат тоқудың немесе тігудің оңай және қарапайым екендігіне сендірді. Шарадан кейін қонақтарымыз сурет галереясына барып, кестеленген суреттер көрмесімен танысты.