Л.Н. Толстой ат. ОӘҒК 2015 жылдың 29 қыркүйегінде Әулиекөл ОАК Шоқан Шыңғысұлы Уәлихановтың 180 жылдығына арналған «Жұлдызы жанған ғалым» тақырыбында облыстық көшпелі семинарын өткізді.

             Аталған шараның мақсаты – Шоқан Уәлихановтың шығармашылық мұрасы мен ағартушылық еңбектеріне байланысты мәліметтерді насихаттау, әріптестердің жұмыс тәжірибесімен танысу, кітапханашылардың біліктіліктерін арттыру үшін ғылыми ақпаратты талқылау.

Семинар жұмысына Ы.Алтынсарин ат. мемориалдық мұражайының ғылыми жұмыстар жөнінде директордың орынбасары Қуанова Роза Қаратайқызы, ҚМПИ «Қазақстан тарихы» кафедрасының аға оқытушысы Анасова Айнаш Бектұрсынқызы, №28 Құсмұрын орта мектебінің мұғалімі Қайпбаева Бакен Қабенқызы, өлкетанушы Смағұлова Асыл Сұлтанғалиқызы, Қостанай облысының мемлекеттік кітапханаларының кітапханашылары қатысты.

Семинарда бірнеше баяндама тыңдалды,  кітапхана көрмесіне шолу, виртуалды кітап көрмесі, Әулиекөл ОКЖ экскурсия, кәсіби пікірталас өтті. Әулиекөл ОКЖ қызметкерлері өз тәжірибелерімен бөлісті.