Наурыз мейрамы қарсаңында кітапхананың бөлімдері арасында бауырсақ пен Наурыз көже байқауы өтті. «Наурыздан дәм татайық» ұлттық тағам көрмесіне қызметкерлер бауырсақ пен Наурыз көжеден тыс қазақ халқының басқа да түрлі ұлттық тағамдарын қойды.

         Құрамына Қостанай облысы әкімдігінің мәдениет басқармасы жетекшісінің орынбасары Г.К.Әміренова, бөлім меңгерушісі И.В.Шевко және Л.Толстой ат. ОӘҒК директоры Д.Т.Дүйсебаева кірген қазылар алқасына жеңімпаздарды анықтау қиынға соқты. 

Байқау қорытындысы көктемгі мерекеге қатысты өлеңдер оқылып, әндер орындалған, ұлттық ойындар ойналып, күй тартылған «Наурыз-думан» ойын-сауық бағдарламасында жарияланды. Мереке «Қаражорға» флешмобымен аяқталды.