2017 жылдың 20 қарашасынан бастап Әмбебап оқу залында тұңғыш Президент күніне арналған «Елімен етене Елбасы» кітап көрмесі жұмыс істейді.
Көрмеге мемлекеттің жетістіктерге жетуінің сырын ашатын және тарихи маңызы бар оқиғаларды баяндайтын кітаптар қойылған. Сондай-ақ көрмеден Нұрсұлтан Назарбаев туралы әлемдік деңгейдегі саясаткерлердің айтқандары мен еңбектерін де оқуға болады. Мұның сыртында мемлекет басшысына арналған ақындар мен жазушылардың шығармалары қойылған.
Жас республиканың барлық жетістіктері мен табыстары мемлекет басшысының еңбегімен тікелей байланысты, ел беделі Нұрсұлтан Назарбаевтың жеке басының беделімен астасып жатыр.
«Елімен етене Елбасы» көрмесі ҚР тұңғыш Президенті Нұрсұлтан Назарбаевтың тәуелсіз Қазақстанның аяғынан тұруына және дамуына, қоғамды жаңартуға және жетілдіруге қосқан үлесі мен рөлін кітаптың көмегімен көрсету болып табылады.