Қазіргі кезде шетел тілін білмей қатарға ілігу күн өткен сайын қиындап барады. Ағылшын тілін жас кезінен үйренудің пайдалы екендігі барлық жерде жазылып та, айтылып та жүр. Бұл орайда балаларды оқытуда кітаптың орны ерекше маңызды. 

Әмбебап оқу залында қаңтардан бастап «Балаларға арналған ағылшын тілі» кітап көрмесі жұмыс істейді, онда балаларға өмірінің алғашқы жылынан бастап бастауыш мектепті бітіргенге дейінгі аралықта ағылшын тілін үйретуге арналған материалдар жинақталған. 

Кітаптар балалардың ағылшын тілін қарым-қатынас және ақпарат алмасу құралы ретінде үйренуге деген қызығушылығын дамытуға көмектеседі. Ұсынылған құралдарды балаларға білім беру мекемелерінде, сондай-ақ балалармен үйде тілді өз беттерінше үйрену үшін де қолдануға болады. 

Мұғалімдерді, ата-аналар мен балаларды көрмеге қойылған кітаптармен танысуға шақырамыз.