2018 жылдың 03 қаңтарынан бастап өлкетану әдебиеттері бөлімінде «Ғалым. Ұстаз. Қайраткер» кітап көрмесі жұмыс істейді. Көрме экономика ғылымдарының докторы, профессор, ҚР ҰҒА академигі Кенжеғали Сағадиевтің туғанына 80 жыл толуына арналған.
Кенжеғали Сағадиев Қостанай облысында туып өскен. Ол ҚР экономикасын зерттеуге және жетілдіруге баға жетпес үлес қосты. «Қазақстанның еңбек сіңірген ғылым және техника қызметкері» құрметті атағы берілген. Көптеген мемлекеттік медальдар мен ордендердің иегері. Экономика бойынша 180-нен астам ғылыми жұмыстың, соның ішінде 10-нан астам монографияның авторы.
Көрмеге Кенжеғали Сағадиевтің өзінің кітаптары мен мақалалары, оның өмірбаяны мен еңбектері, сондай-ақ оның шәкірттері мен әріптестерінің ол жайындағы пікірлері қойылған. Көрме 2018 жылдың 31 наурызына дейін жұмыс істейді.