21 ақпанда әмбебап оқу залының қызметкерлері «Рухани жаңғыру» бағдарламалық мақаласы аясында Ы. Алтынсарин ат. дарынды балаларға арналған мектеп-интернатта қазақ халқының еркіндігі мен тәуелсіздігі жолындағы ең ірі шайқастардың бірі болған Орбұлақ шайқасының 375 жылдығына арналған «Орбұлақ шайқасы» ақпараттық сағатын өткізді.

Орбұлақ шайқасы 1643 жылы қазақ пен жоңғар арасындағы соғыс кезінде болып, осы шайқасты Жәңгір хан мен Жалаңтөс батыр бастаған қазақтар жоңғар әскерін тас-талқан етіп жеңді.

Бұл шайқастың қазақ қоғамы үшін маңызы зор болды: жұрт жоңғар басқыншылығынан құтылу үшін бір жерге бағындырылған басшылықтың, өзара көмектің және іс-қимылды дұрыс ұйымдастыра білудің қажеттігін түсінді. Дәл осы Орбұлақ шайқасы қазақ батырларының ерлігінің, батылдығының, қаһармандығының және әскери шеберлігінің үлгісіне айналды.  

Шараға Ы. Алтынсарин ат. дарынды балаларға арналған мектеп-интернатының мұғалімдері мен оқушылары қатысты.