Әдеби орталық Алтынсарин ауданының тұрғындарын Қостанай облысының авторларымен таныстыруын жалғастырды. 25 сәуірде аудандық кітапханаға құрамында ҚР Жазушылар одағының мүшесі, А.Байтұрсынов ат. ҚМУ профессоры, түрлі байқаулардың лауреаты, ақын Ақылбек Шаяхмет бар «әдеби десант» түсті. Кездесу жанға жайлы достық ахуалда өтіп, жиналғандар шараға жақсы пікір білдірді. ОКЖ қызметкерлері автордың кітаптары мен ол жайындағы мақалалар қойылған «Кәусар сөз зергері» кітап көрмесін безендірді. Кездесуге оныншы сынып оқушылары, мұғалімдер мен кітапханашылар келді. Автор өзінің балалық шағы туралы айтып беріп, өлеңдер оқыды, балаларға көбірек кітап оқуға кеңес берді. Кездесу соңында қонақ жастарға ақыл-кеңесін айтып, ізгі тілектерін білдірді.